SUM

ფორმულის სახელი:

• Sum

ფორმულის ტიპი:

• მათემატიკური

ფორმულის აღწერა:

• აჯამებს ფორმულაში შეტანილ: რიცხვებს, თქვენს მიერ მითითებულ უჯრებში ან სივრცე(ებ)ში არსებულ რიცხვებს.

ფორმულის მოწყობა:

=SUM(number1, [number2], ...)

ფორმულის არგუმენტები:

• number1 — აუცილებელი არგუმენტი: პირველი რიცხვი, უჯრის მისამართი ან დიაპაზონი.
• number2, ... — არასავალდებულო არგუმენტები: დამატებითი რიცხვები, უჯრების მისამართები ან დიაპაზონები. სულ შეგიძლიათ მიუთითოთ მაქსიმუმ 255 არგუმენტი.

კვადრატული ფრჩხილები [ ] აღნიშნავს არასავალდებულო არგუმენტს; თავად ფორმულაში ფრჩხილები და მრავალწერტილი არ იწერება. დიაპაზონი, მაგალითად A1:A5, ერთ არგუმენტად ითვლება.

როგორც ვხედავთ ამ ფორმულის არგუმენტში შეგვიძლია შევიტანოთ: რიცხვი(ები), უჯრა(ები) ან სივრცე(ები).

მონაცემების შეტანა ფორმულაში:

ვთქვათ გვაქვს შემდეგი რიცხვები: 2,3,7,11,25 და გვინდა დავაჯამოთ. როგორ გავაკეთოთ ეს Sum ფორმულის გამოყენებით.

1. შეგვიძლია ფორმულაში პირდაპირ ხელით შევიტანოთ ეს რიცხვები

პირველ მაგალითში A2 უჯრაში ჩავწეროთ =SUM(2,3,7,11,25). შედეგია 48, რადგან 2 + 3 + 7 + 11 + 25 = 48.

2. შეგვიძლია აღნიშნული რიცხვები გადავიტანოთ უჯრებში და შემდეგ დავაჯამოთ ეს უჯრები Sum ფორმულის გამოყენებით

A2:A6 დიაპაზონში გვაქვს: A2 = 2, A3 = 3, A4 = 7, A5 = 11 და A6 = 25. D2 უჯრაში ჩავწეროთ =SUM(A2,A3,A4,A5,A6). შედეგია 48.

ამ მიდგომის უპირატესობა წინა მიდგომასთან შედარებით არის ის, რომ თუკი რიცხვების ჩანაცვლება დაგჭირდებათ შეგიძლიათ მარტივად ჩაგანაცვლოთ ვთქვათ A4 უჯრაში არსებული რიცხვი 7, რიცხვით 9 და ფორმულა ავტომატურად მიიღებს ახალ პასუხს, ახალი რიცხვების ჯამი იქნება 50.

 3. შეგვიძლია დავაჯამოთ სივრცე

იმავე მონაცემებისთვის D2 უჯრაში ჩავწეროთ =SUM(A2:A6). შედეგი კვლავ 48-ია. ორწერტილი აღნიშნავს უწყვეტ დიაპაზონს A2-დან A6-ის ჩათვლით.

Sum ფორმულის ნებისმიერ არგუმენტში შეგვიძლია შევიტანოთ უწყვეტი სივრცე და ექსელი დააჯამებს ამ სივრცეში არსებულ რიცხვებს.

ამ მიდგომის უპირატესობა წინა ორ მიდგომასთან შედარებით მის სიმარტივეში და შესაბამისად პრაქტიკულობაშია.

წყაროები

Microsoft Support — SUM function (შემოწმებულია 2026-11-01).

მსგავსი ფორმულები: