SUBTOTAL

ფორმულის სახელი:

• Subtotal

ფორმულის ტიპი:

• მათემატიკური

ფორმულის აღწერა:

• გვაძლევს მონიშნული მონაცემების: ჯამის, საშუალოს, დათვლის მონაცემთა რაოდენობას და შეუძლია მიიღოს კიდევ  რამდენიმე ფორმულის შინაარსი, იმის მიხედვით თუ რა function_num-ს ავირჩევთ.

ფორმულის მოწყობა:

=SUBTOTAL(function_num,ref1,ref2)

ფორმულის არგუმენტები:

• function_num – ფუნქციის ნომერი
• ref1 – სივრცე 1
• ref2 – სივრცე 2

როგორც ვხედავთ ამ ფორმულის არგუმენტში უნდა ავირჩიოთ ფუნქციის ნომერი და შევიტანოთ სივრცე(ები).

ფუნქციის ნომრები არის შემდეგები:

ფუნქცია	აიგნორებს გაფილტრულ მონაცემებს	აიგნორებს დამალულ უჯრებს
	ფუნქციის ინდექსი
AVERAGE	1	101
COUNT	2	102
COUNTA	3	103
MAX	4	104
MIN	5	105
PRODUCT	6	106
STDEV	7	107
STDEVP	8	108
SUM	9	109
VAR	10	110
VARP	11	111

ვთქვათ ჩვენ გვინდა Subtotal გამოვიყენოთ როგორც ჯამის ფუნქცია, მაშინ ფუნქციის ნომრად უნდა ავირჩიოთ 9 ან 109. განვიხილოთ პრაქტიკული მაგალითი.

Subtotal როგორც Sum:

ქვემოთ მაგალითში გამოყენებული გვაქვს ჯამისა და საბტოტალის ფორმულები. სამივე ფორმულა გამოყენებულია ერთი და იმავე სივრცეზე B7:B11. ფორმულები ჩაწერილია შესაბამისად B2,B3,B4 უჯრებში.

როგორც ვხედავთ სამივე ფორმულის (Subtotal ფუნქციის ნომრით 109, Subtotal ფუნქციის ნომრით 9 და Sum) შედეგი ერთი და იგივეა – 150.

როდის გვაქვს განსხვავება? როდესაც ვიყენებთ ფილტრს ან ხელით ვმალავთ/ვაჰაიდებთ, სტრიქონებს.

გავაგრძელოთ მაგალითი და მოცემულ ცხრილში,  გავფილტროთ სვეტი „სიმბოლოები“, დავტოვოთ მხოლო B სიმბოლო.

როგორც ხედავთ, Sum ფორმულა კვლავ გვაძლევს B7:B11 სივრცეში არსებული რიცხვების ჯამს, ხოლო Subtotal-ები გვაძლევენ მხოლოდ იმ რიცხვების ჯამს, რაც ჩანს ვიზუალურად.

რა განსხვავებაა Subtotal-ში ფუნქციის ნომრად 9-ს ავირჩევ თუ 109-ს?

განსხვავება დგება მაშინ როდესაც ჩვენ ცხრილში შემავალ სტრიქონებზე გამოვიყენებთ არა ფილტრს არამედ დამალვას /Hide. განვიხილოთ მაგალითი: მოვხსნათ ზემოთ მოცემულ ცხრილს ფილტრი და ხელით დავმალოთ 7-8 სტრიქონები.

როგორც ვხედავთ როგორ ჯამის ფორმულამ ასევე საბტოტალმა ფუნქციის ნომრით 9 მოგვცა მთლიანი სივრცის ჯამი, ხოლო Subtotal 109-მ მოგვცა იმ რიცხვების ჯამი რაც ჩანს. ანუ ფუნქციის ნომრებს 9-სა და 109-ს შორის განსხვავება ყოფილა ის, რომ 9 ვერ აღიქვამს ხელით დამალვას უჯრების და შეყავს ასეთი უჯრები კალკულაციაში, ხოლო 109 აღიქვამს დამალულ უჯრებს და არ შეყავს ასეთი უჯრები კალკულაციაში.

მსგავსი სტატიები