YEARFRAC

ფორმულის სახელი:

YEARFRAC

ფორმულის ტიპი:

თარიღი & დრო

ფორმულის აღწერა:

აბრუნებს წლების სხვაობას ორ თარიღს შორის, ათწილადის ფორმატით.

ფორმულის მოწყობა:
=YEARFRAC(start_date, end_date, [basis])

ფორმულის არგუმენტები:

start_date – საწყისი თარიღი.
end_date – საბოლოო თარიღი.
[basis] (არასავალდებულო) – მეთოდი, რომლის მიხედვითაც ხდება წელიწადში არსებული დღეების დათვლა. სტანდარტულად გამოიყენება 0 (30/360).

ℹ️ basis არგუმენტის მნიშვნელობები

basis	აღწერა
0	30 დღე თვეში / 360 დღე წელიწადში (ნაგულისხმევი)
1	ფაქტობრივი დღეები თარიღებს შორის / ფაქტობრივი წელი
2	ფაქტობრივი დღეები / 360
3	ფაქტობრივი დღეები / 365
4	ევროპული 30/360 (დღეები იგივე, მაგრამ განსხვავებული მეთოდით)

🧮 მაგალითები

მაგალითებში გამოყენებულია ორი თარიღი. საწყისი თარიღი – 01-01-2025 და საბოლოო თარიღი – 01-06-2026 . რაც წარმოადგენს დაახლოებით 1 წელს და 5 თვეს. ეს დროის შუალედი თითოეულ ფორმულაში სხვადასხვა შედეგს იძლევა basis არგუმენტის შესაბამისად.

C2 უჯრა სადაც არ არის მითითებული basis, ან მითითებულია 0 (C3 უჯრა), YEARFRAC იყენებს ამერიკულ 30/360 მეთოდს — თვლის თითო თვეს 30 დღედ და წელიწადს 360 დღედ. ამ მეთოდით შედეგია 1.416666667.
C4 უჯრაში, სადაც basis არის 1, Excel ითვლის ფაქტობრივ დღეებს, ანუ რამდენი დღეა გასული კალენდარული სისტემით და იყენებს ფაქტობრივ დღეების რაოდენობას თითოეულ თვესა და წელიწადში. შედეგად ვიღებთ უფრო ზუსტ მნიშვნელობას — 1.41369863, რადგან რეალურად თვეები განსხვავებული რაოდენობის დღეებს შეიცავს.
C5 უჯრაში, basis = 2 თვლის წელიწადს 360 დღედ, მაგრამ იყენებს ფაქტობრივ დღეებს თვეში. შესაბამისად შედეგია 1.433333333, რაც უფრო დიდ რიცხვს გვაძლევს, რადგან თვეებში რეალური დღეებია, მაგრამ წელიწადი მაინც 360-ად ითვლება.
C6 უჯრაში, basis = 3 იყენებს ფაქტობრივ თვეებს და წელიწადსაც ფაქტობრივად (365 ან 366 დღით). ამ მეთოდით მიღებული შედეგი კვლავ არის 1.41369863, ზუსტად იგივე რაც basis = 1-ის შემთხვევაში.
C7 უჯრაში, basis = 4 არის ევროპული 30/360 სისტემა, რომელიც მსგავსია basis = 0-ს, თუმცა განსხვავება იმაშია, როგორ ამრგვალებს დღეებს თვეების ბოლოში.