IF

მაგალითი N1 — ქულა ჩაბარებულია თუ არა

ფორმულის შიგთავსი: =IF(A2>=51,”ჩაბარებულია”,”ჩაჭრილია”)
A2-ში ქულა არის 68, ვამოწმებთ პირობას 68 ≥ 51. პირობა ჭეშმარიტია, ამიტომ IF აბრუნებს “ჩაბარებულია”.

მაგალითი N2 — ასაკი სრულწლოვანია თუ არა

ფორმულის შიგთავსი: =IF(A3>=18,”სრულწლოვანი”,”არასრულწლოვანი”)
აქ A3 არის 16. რადგან 16 < 18, პირობა არ სრულდება და შედეგი იქნება “არასრულწლოვანი”.

მაგალითი N3 — VIP მომხმარებლისთვის სპეციალური ფასი

ფორმულის შიგთავსი: =IF(A4=”VIP”,”10% ფასდაკლება”,”სტანდარტული ფასი”)
A4-ში წერია “VIP”, პირობა სრულდება და შედეგია “10% ფასდაკლება”. სხვა შემთხვევაში მივიღებდით „სტანდარტული ფასი“.

მაგალითი N4 — რამდენიმე პირობის ერთდროული შემოწმება (AND)

ფორმულის შიგთავსი: =IF(AND(A5>=1000,A5<3000),”საშუალო ბონუსი”,”ბონუსის სხვა დონე”)
ამ მაგალითში IF იყენებს AND ფუნქციას, რათა ერთდროულად შეამოწმოს ორი პირობა:

A5 ≥ 1000, A5 < 3000

A5 = 1500, ორივე პირობა ჭეშმარიტია, ამიტომ შედეგი იქნება “საშუალო ბონუსი”.

მაგალითი N5 — ტექსტის დასაწყისით ქალაქის განსაზღვრა (LEFT)

ფორმულის შიგთავსი: =IF(LEFT(A6,4)=”TBS-“,”თბილისი”,”სხვა რეგიონი”)
LEFT(A6,4) იღებს A6 ტექსტის პირველ 4 სიმბოლოს. თუ კოდი იწყება “TBS-“-ით (მაგ. TBS-01984), შედეგი იქნება “თბილისი”, სხვა შემთხვევაში — „სხვა რეგიონი“.

მაგალითი N6 — სავალდებულო ველის შემოწმება (ცარიელი უჯრა)

ფორმულის შიგთავსი: =IF(A7=””,”სავალდებულოა შევსება”,”შევსებულია”)
თუ A7 ცარიელია, პირობა ჭეშმარიტია და მივიღებთ შეტყობინებას “სავალდებულოა შევსება”. თუ რაიმე წერია, შედეგი იქნება “შევსებულია”.

მაგალითი N7 — თარიღის შედარება საკონტროლო თარიღთან (DATE)

ფორმულის შიგთავსი: =IF(A8<DATE(2026,1,1),”2026-მდე”,”2026 შემდეგ”)
DATE(2026,1,1) ქმნის საკონტროლო თარიღს — 01/01/2026.
A8 არის 20-12-25 (20 დეკემბერი 2025), მაშინ ეს თარიღი ნაკლებია 01/01/2026-ზე და შედეგი იქნება “2026-მდე”.

მაგალითი N8 — Nested IF (რამდენიმე დონის შეფასება)

ფორმულის შიგთავსი:
=IF(A9>=90,”A”,IF(A9>=75,”B”,IF(A9>=60,”C”,”F”)))

ეს არის Nested IF — IF ფუნქცია IF-ის შიგნით. ლოგიკა ასეთია:

თუ ≥ 90 → A, თუ ≥ 75 → B, თუ ≥ 60 → C, სხვა შემთხვევაში → F

რადგან A9 = 73, ის აკმაყოფილებს ≥60 პირობას, მაგრამ ვერ აღწევს 75-ს, ამიტომ საბოლოო შედეგი არის “C”.

მაგალითი N9 — ტექსტში „@“-ის არსებობით მეილის შემოწმება

ფორმულის შიგთავსი: =IF(ISNUMBER(SEARCH(“@”,A10)),”მეილის ფორმატია”,”მეილი არ არის”)
SEARCH ეძებს “@”-ს ტექსტში. თუ მოიძებნა, SEARCH აბრუნებს პოზიციას (რიცხვს), ხოლო ISNUMBER ამას ადასტურებს. შესაბამისად IF აბრუნებს “მეილის ფორმატია”.

საყურადღებო საკითხები (Attention)

• ტექსტი აუცილებლად ჩაწერე ბრჭყალებში: მაგ. “ჩაბარებულია”.
• ცარიელი უჯრის შემოწმება: A1=”” მუშაობს, მაგრამ უფრო კარგი ალტერნატივაა ISBLANK(A1) (როცა ნამდვილად ცარიელი უჯრის შემოწმება გინდა).
• თარიღებზე შედარებისას რეკომენდებულია DATE() გამოყენება, რათა Excel-მა თარიღი სწორად აღიქვას.

მსგავსი / რელევანტური ფორმულები (ბმულებით)

• IFS — იგივე იდეა, მაგრამ მრავალი პირობისთვის უფრო მარტივად, Nested IF-ის გარეშე: წესებს რიგრიგობით ამოწმებს და პირველივე შესაბამის შედეგს აბრუნებს.
• AND / OR — IF-ის შიგნით რამდენიმე პირობის გასაერთიანებლად: AND ითხოვს ყველა პირობის შესრულებას, OR — მინიმუმ ერთის.
• IFERROR / IFNA — როცა ფორმულამ პასუხად შეიძლება შეცდომა მოგვცეს ( VLOOKUP ვერ პოულობს) და გინდა შეცდომის ნაცვლად ტექსტი/0 დაბრუნდეს.
• ISNUMBER / ISTEXT / ISBLANK — მონაცემების ტიპის/სიცარიელის შემოწმება, რომ IF უფრო საიმედო გახდეს.
• LEFT / SEARCH — ტექსტის „შემოწმების ლოგიკა“ IF-ში (მაგ. კოდის პრეფიქსი, ელფოსტის ნიშანი).