PV

ფორმულის სახელი:

• PV

ფორმულის ტიპი:

• ფინანსური

ფორმულის აღწერა:

• პასუხად გვაძლევს ფულის (ინვესტიციის) მიმდინარე ღირებულებას.

ფორმულის მოწყობა:

• =PV(rate,nper,pmt,[fv],[type])

ფორმულის არგუმენტები:

rate – განაკვეთი

nper – გადახდის პერიოდების რაოდენობა

pmt – ყოველ გადახდაზე შესატანი თანხა

[fv] – ფულის მომავალი ღირებულება

[type] – შეტანის დრო

როგორც ვხედავთ ამ ფორმულას ვიყენებთ, მაშინ როდესაც გვაინტერესებს გავიგოთ რა არის მომავალში გადასახდელი ან მისაღები თანხის(ების) მიმდინარე ღირებულება.

ფორმულაში გვაქვს ორი არასავალდებულო არგუმენტი, რომლებიც ჩასმულია ოთხკუთხედ ფრჩხილებში – []:

1. Fv – ფულის მომავალი ღირებულება – დაგვჭირდება იმ შემთხვევაში თუკი შეტანა/მიღება  გვაქვს პერიოდის ბოლოსაც.
2. Type – შეტანის დრო – როდესაც შეტანა, ინვესტირება ხორციელდება პერიოდულად მაშინ ჩვენ ვირჩევთ შეტანა განხორციელდეს პერიოდის დასაწყისში თუ პერიოდის ბოლოს. (თუკი გამოვტოვებთ იგულისხმება პერიოდის ბოლოს)

ზოგადად ინვესტირება შეიძლება იყოს ანუიტეტური და არაანუიტეტური:

1. არაანუიტეტური – Non Anuity – მხოლოდ ერთი გადახდა/მიღება პერიოდის ბოლოს
2. ანუიტეტური – Anuity – პერიოდული გადახდა

მაგალითი N1 – Non Anuity – მხოლოდ ერთი გადახდა პერიოდის დასაწყისში

თქვენ გაქვთ მოთხოვნა შპს კრედიტის მიმართ 2,000 ლარის ოდენობით, მან ეს თანხა უნდა დაგიბრუნოთ 3 წლის მერე, რა იქნება ამ თანხის მიმდინარე ღირებულება თუკი წლიური საპროცენტო განაკვეთი არის 9%?

როგორც ვხედავთ B5 უჯრაში არსებული ფორმულის მიხედვით 3 წლის შემდეგ მისაღები 2,000 ლარის მიმდინარე ღირებულება შეადგენს -1,544.37 ლარს. უარყოფითი რიცხვი იმიტომ მივიღეთ, რომ ეს არის ჩვენგან თანხის გასვლა.

ფორმულაში შეტანილი არგუმენტები:

• Rate – განაკვეთი – 9%
• Nper – პერიოდების რაოდენობა – 3 (რადგან პროცენტი/სარგებელი ერიცხება წლიურად) პროცენტის/სარგებლის დარიცხვა რომ ყოფილიყო ყოველთვიური მაშინ პერიოდების რაოდენობა იქნებოდა 3*12=120
• Pmt – ყოველ გადახდაზე შენატანის რაოდენობა – ამ არგუმენტს არ ვიყენეთ რადგან პირობის მიხედვით ერთხელ პერიოდის დასაწყისში ვასესხეთ თანხა და  ამის შემდეგ თანხა აღარ გაგვიცია.
• Fv – მომავალი ღირებულება – ორიათასი (2000) რადგან პერიოდის ბოლოს უნდა დაგვიბრუნოს 2,000 ლარი.

Type – შეტანის პერიოდი – არ შეგვაქვს მონაცემი რადგან პერიოდული შეტანები არ გვაქვს, ანაბარი არის არაანუიტეტური. და მისაღები თანხა არის პერიოდის (3 წლის) ბოლოს. (თუკი გამოვტოვებთ იგულისხმება პერიოდის ბოლოს)

მაგალითი N2 – Anuity – პერიოდული გადახდა – წლიური

გინდათ შეიძინოთ ავტომობილი განვადებით, განვადების პირობები შემდეგია:  5 წლის განმავლობაში, ყოველი წლის ბოლოს იხდით $3,000, წლიური საპროცენტო განაკვეთი არის 12%. რა არის ამ გადახდების მიმდინარე ღირებულება?

როგორც ვხედავთ B17 უჯრაში არსებული ფორმულების შედეგია 10,814.33.

ფორმულაში შეტანილი არგუმენტები:

• Rate – განაკვეთი – 12% – რადგან წლიურ საპროცენტო განაკვეთი არის 12%
• Nper – პერიოდების რაოდენობა – 5 (რადგან გადახდები არის ყოველწლიური)
• Pmt – ყოველ გადახდაზე შენატანის რაოდენობა – 3000 ლარი, რომელიც წარმოადგენს ჩვენს გასავალს/ხარჯს ამიტომ იწერება უარყოფითი ნიშნით.
• Fv – მიმდინარე ღირებულება – არ ვიყენებთ ამ არგუმენტს რადგან პერიოდის (5 წლის) ბოლოს დამატებით თანხა არ შეგვაქვს.
• Type – შეტანის პერიოდი – გვაქვს შეტანა პერიოდის ბოლოს, ამიტომ ან ვტოვებთ ცარიელს, ან შეგვაქვს 0.

მაგალითი N3 – Anuity – პერიოდული გადახდა ყოველთვიური

გინდათ შეიძინოთ ავტომობილი განვადებით, განვადების პირობები შემდეგია:  5 წლის განმავლობაში, ყოველი თვის ბოლოს იხდით 300 დოლარს, ხოლო განვადების დასასრულს დამატებით ერთჯერადად 500 დოლარს.  წლიური საპროცენტო განაკვეთი არის 12%. რა არის ამ გადახდების მიმდინარე ღირებულება?

როგორც ვხედავთ B17 უჯრაში არსებული ფორმულების შედეგია 13,761.74.

ფორმულაში შეტანილი არგუმენტები:

• Rate – განაკვეთი – 1% – რადგან წლიურ საპროცენტო განაკვეთი არის 12%, ხოლო შეტანები გვაქვს ყოველთვიურად, ამიტომ უნდა გამოვიანგარიშოთ ყოველთვიური პროცენტი და ის შევიტანოთ ფორმულაში. (12%/12=1%)
• Nper – პერიოდების რაოდენობა – 60, რადგან გადახდები არის ყოველთვიური, ხოლო სესხი არის 5 წლიანი, შესაბამისად პერიოდების რაოდენობა არის 5*12=60
• Pmt – ყოველ გადახდაზე შენატანის რაოდენობა – 300 ლარი, რომელიც წარმოადგენს ჩვენს გასავალს/ხარჯს ამიტომ იწერება უარყოფითი ნიშნით.
• Fv – მიმდინარე ღირებულება – 500, რადგან პერიოდის (5 წლის) ბოლოს დამატებით 500 დოლარი გვაქვს შესატანი.
• Type – შეტანის პერიოდი – გვაქვს შეტანა პერიოდის ბოლოს, ამიტომ ან ვტოვებთ ცარიელს, ან შეგვაქვს 0.

სხვა ფორმულის განხილვები